si raja lontung

# Gabe martua ma siboru pareme di na laho tu ulu darat i..
Ai tu si do ro mandapothon ibana , babiat si tolu pat disi.
Mansai tajom do sude nasa ngingi na , babana di patalak do..
Nalaho patuduhon holi-holi na solot di tolonan na I ..

Mabiar do ianggo si boru pareme,ai dirimpu ingkon jea do
Hape haroro babiat di telpang , mangido pangurupion do
manigor do di enet si boru pareme holi na ditolonan na i
Laos gabe I nama dongan na mangalului ngolu-ngolu di harangan i

Alai dung gok ma di taonna di bulanna dapot manang di ari na
Na ingkon tubu sada poso-poso sian si ubeon ni inana
Na mangguruhon sambuk monsak hadatuon Raja lontung ma goar na
Babiat i do mangajari sahat ro di magodang pamatang na

Simbur magodang ma anak haholongan na di tombak longo-longo I …
Dungi borhat ma muse tu sabulan di tinggalhon ulu darat i….
Sabulan di inganani rura I , borhat ma nasida lao muse
Tu hariara Maranak, ima na gabe inganan ni rapot bius I …

Simbur ma godang ma anak haholongan na di tombak longo-longo i
Na gabe sada raja na tarbarita , Jala tung torop pinompar ni
Dung saut ma boru ni tulang nai, marpinompar jala gabe do
turunan ni si raja lontung,angka on ma sasude ianakhon nai

Ima sinaga rap dohot situmorang, Pandiangan nainggolan i..
Nang Simatupang Rap Dohot Aritonang , Dohot marga Siregar i..
Na Pasiahon Doi anggo Boru na , Sihombing Simamora i…
Turunan ni siraja Lontung , Na sian sada ina Rap dohot Boru na i ..

Lontung si sia sada ina , napasi boruna Sihombing simamora
Ama na ma I saribu raja, si boru Pareme Ma inana Tahe
Bulung Motung Mai Parpadanan na …
ompung ta si Raja Lontung Rampang dohot inana
Babiat doi Marmuduhonsa, Ooo Babiat Si telpang
Si Bolang Na uli …..